بكر رضوان يفتح النار على المتظاهرين

بكر رضوان يفتح النار على المتظاهرين
بكر رضوان
  2 أكتوبر 2019 - AM 08:02 469

#الرئيس_السيسي 

كلمة حق بدون هزار وآلش

المقصود من الاحتجاجات اللي طالب بها بعض الجهلاء مدعين الوطنية وتعاطف مفاجىء مع الغلابة يثير دهشتي انا شخصيا ..للأسف ناس ملهاش فيها ولا عمرهم ضحوا عشان البلد وشعبها ولا ليهم في السياسة اصلا مستغلين تردي أوضاع الغلابة في ظل موجة غلاء اسعار عالمية ورفع الدعم عن اغلب الخدمات في مصر مع تعويم الجنيه وذيادة سعر صرف الدولار وتوقف عجلة الإنتاج نوعا وتمارض السياحة بفعل فاعل وفرص الاستثمار التي تحتاج خطاب افضل للمستثمرين الأجانب مع احترامي لمن يدير اوراق اللعبة

المهم الجهلاء دول لعبوا صح ع العيوب دي.. اللي الريس والحكومة شغالين علي إيجاد حلول لها وتصحيح الأوضاع من أجل تحسين الأحوال المعيشية الغلابة ومحدودية الدخل اللي انا بكل فخر منهم . 

لكن خلينا نتكلم بصراحة وشفافية اكتر

 من المستفيد الأكبر من هذه الفوضي؟

الشعب الغلبان ؟ ام جماعة الإخوان ؟

بكل شفافية وحبادية اجاوبكم 

للأسف المستفيد الأكبر هم جماعة الإخوان 

اللي ولاءها لعشيرتها مش للوطن ولمرشدها مش الريس 

ولتنظيمها مش الشعب 

لازم نفهم عشان نرتاح 

إنما لو المستفيد هو الشعب 

فالشعب ممكن يستفيد دلوقتي حالا مش بكرة دلوقتي حالا وخلال أيام مش لسه بعد عشر سنين لو حصلت فوضي زي ماهم عاوزبنها لاقدر الله 

بكل بساطة نلفت نظر الريس فضلا وليس أمرا أن يهتم بتحسين الأحوال المعيشية للشعب واملي وعشمي وثقتي كبيرة في سيادته 

يا سادة المقصود مش الريس علي فكرة رغم أن الهجوم عليه والانتقاد موجه له هو شخصيا واوعوا تنسوا أنه رمز مصر

إنما المقصود هو احداث قلق وفوضي تعطل الانجازات اللي أوشك اغلبها علي الانتهاء وبداية الحصاد والطفرة الاقتصادية والثقافية والحضارية اللي هتحصل بشهادة اغلب مؤسسات الاقتصاد الدولية ..ارجوكم مش عاوزين نرجع ١٠ سنين كمان للخلف .

..

 ((الانجازات دي حقيقية فعلا مش فنكوش علي فكرة زي ما ادعي الإخوان وانا شوفتها بعيني وصورتها في افلام تسجيلية كمان.. عشان اللي هيقول أن بكر رضوان بيعرض الريس ويطبل للحكومة هحط صباعي في عينه واكتمه خالص وهو بيشوف الانجازات دي في صورة مرئية ))

..

ورأيي انا الشخصي المتواضع أن الأحداث دي والفوضي والليلة دي سعاتك ممكن تخلص فورا لو سيادة الريس أولي اهتمام بالغلابة وانا واثق من أداء سيادة الرئيس وذكاءه وحنكته كرجل مخابراتي حقق نجاحات في عمله يشهد لها 

ف احنا يا شعب مصر بجميع طوائفه لازم ندعم الريس ونوصيه بالنظر الي الغلابة فضلا وليس أمرا وتحسين أحوالهم المعيشية وشكرا..كل شيىء يستقر

- واقسم بالله أن شعبية الريس هتذيد بالملايين في الشارع المصري

..

#تحيا مصر ⁦